सपनाभित्रको ‘सुन्दर संघर्षहरू’

Posted नोभेम्बर 8, 2014 by Subin Shrestha
Categories: दैनिकी

मान्छे नै हुँ म पनि । हजार सपना र चाहनाले थिचिरहन्छ । उद्देश्य र लक्ष्य प्राप्तिका लागि मनहरू फराकिलो भइरहन्छन् । नयाँ सोच र जोशले केही गरौं भनेर फेरि उभिने प्रयासमा छु । अनलाइन पत्रिकाको कार्यालयमा पनि धेरै परिवर्तनमा भएका छन् । प्रारम्भदेखिको मिहिनेत र प्रयासले साँघुरो एक कोठाको कार्यालयबाट दुई कोठा हुँदै अहिले स्तरिय फ्लैटमा अनलाइन पत्रिकाको कार्यालय संचालनमा छ ।

त्यो बेला हारेर पत्रकारिताबाट टाढिएको भए म अहिले कतै जागिरे भईरहन्थे वा विदेशतिर पैसा कमाउँदै हुन्थ्ये । जागिरे हुँदा म कुनै संस्था वा मिडियाकै मात्र हुन्थ्ये । तर दुःख टेकेर यहाँसम्म आइपुग्दा अहिले मेरो सहकार्य र सहयात्रामा करिब ३० जना साथीहरू जागिरे भएका छन् । यसमा मलाई घमण्ड र अहंम छैन । मात्र विश्वास र गर्व छ, हाम्रो उद्देश्य र सपनालाई सबै मिलेर सहजै प्राप्त गर्न सक्छौं भन्नेमा ।

तर समय यति चाँडै बितेको पत्तै भएन । अनलाइन पत्रिका डटकम चलाउँदै गर्दा अनलाइन पत्रिकाको छापा संस्करणका रूपमा मासिक दर्ता गरेका थियौं । त्यो बेला म एक्लै थिएँ । साथमा हौसला दिने जीवन संगिनी सुनिता । त्यसपछि यसलाई साप्ताहिकमा परिवर्तन गरेर करिब चारवर्ष चलायौं । यो समयसम्म कति दुःख भयो र संघर्ष भयो । लेखाजोखा गर्नै सकिँदैन । अहिले सम्झिँदा मिठो र आनन्द लाग्छ । त्यो बेला हारेर पत्रकारिताबाट टाढिएको भए म अहिले कतै जागिरे भईरहन्थे वा विदेशतिर पैसा कमाउँदै हुन्थ्ये ।

जागिरे हुँदा म कुनै संस्था वा मिडिया हुन्थ्ये । तर दुःख टेकेर यहाँसम्म आइपुग्दा अहिले मेरो सहकार्य र सहयात्रामा करिब ३० जना साथीहरू जागिरे भएका छन् । यसमा मलाई घमण्ड र अहंम छैन । मात्र विश्वास र गर्व छ, हाम्रो उद्देश्य र सपनालाई सबै मिलेर सहजै प्राप्त गर्न सक्छौं भन्नेमा ।

रिपोर्टर र फोटो पत्रकार बन्दै #हिमालय टाइम्स, #अन्नपूर्ण, #स्पेश टाइम्स, #नागरिक, #कान्तिपुर, #गोरखापत्र, #नेपाल समाचारपत्र, #समय, #हिमाललगायतका अग्रज पत्रकार र आत्मियतापूर्वक लेख्न हौसला दिनेहरू धेरै पाएँ । प्रत्यक्षरूपमै धेरै अग्रज सरहरू छन् । जसलाई मैलै कहिल्यै बिर्सिनुहुन्न । म भन्छु, यसो भयो भने मलाई पाप लाग्छ । म धेरै प्रसंगमा भाग्यमानी छु । मलाई सबैबाट विश्वास र आँटको साथ मिलेको छ । संघर्षमा मलाई हौसला दिने अग्रजहरूका नाम र सन्दर्भका बारेमा पछि उल्लेख गर्छु नै । तर अनलाइन पत्रिकाको प्रारम्भका दिन देखि सहकार्यका लागि निरन्तर खट्ने र जुट्ने साथीहरू प्रशान्त श्रेष्ठ, जीबी लामा, गोपाल बाटालालाई भुल्नै हुन्न । अहिले पेशालाई निरन्तर अघि बढाइरहँदा जोडिएका नयाँ साथीहरूपनि धेरै छन् ।

पत्रिका प्रकाशन देखि नै हामीले ललितपुरका समाचार र विषयलाई केन्द्रित बनाउँदै आएका छौं । अहिले दैनिक संस्करणका रूपमा प्रत्येकदिन अनलाइन पत्रिका दैनिक यही प्रयासमा चल्दैछ । लामो यात्रामा धेरै साथीहरू छुटे । धेरै जोडिए । अनलाइन पत्रिकाबाट फोटो पत्रकारिता शुरू गरेका फोटो पत्रकारहरू दिपेन्द्र महर्जन र विक्रम राई राम्रा मिडियामा छन् । पत्रकारहरू झन् धेरै पत्रपत्रिका र रेडियोमा समेत आवद्ध छन् । मलाई यसमा गर्व र खुशी छ । हाम्रो सानो संस्थाबाट पाइला टेकेका साथीहरू माथि उक्लिए ।

अहिलेपनि यस्तै प्रयासहरू कायम नै छ । अनलाइन पत्रिका डटकम र अनलाइन पत्रिका दैनिकमा केही साथीहरू आवश्यकता परेको सूचना प्रकाशित पछि धेरै सम्पर्कमा आए । यसबाट हामीले ७ जनालाई अनलाइन पत्रिकामा आवद्ध गराएका छौं । जसमा केही जानेका, केही सिकेका र सिक्न चाहने उर्जा बोकेकाहरू छन् ।

हेरौं, यो समूहलाई अब फेरि कति व्यवस्थित र स्तरिय शैलीमा लान सकिएला । यो समयकै हातमा छ । समयलाई साक्षी राख्दै हामीहरू लक्ष्य हासिल गर्न अग्रसर छौं । जसमा निरन्तर सुख र दुःखको साथी बनिरहेकी छिन् सुनिता अर्थात जीवनसाथी ।

एकपटक सबैप्रति धन्यवाद दिन चाहन्छु । र, सबैको साथप्रति म आभारी छु ।

कार्तिक २२, २०७१, शनिबार
अस्तु

सबै ठिकठाक चलिरहेकै छ

Posted अक्टोबर 17, 2014 by Subin Shrestha
Categories: दैनिकी

३१ असोज, २०७१
मलाई थाहा छ अहिले समय ठिकठाक चलिरहेको छ । दशैंको पूर्वसन्ध्यामा अनेक तनावले टाउको उठाएको थियो । अनलाइन पत्रिका दैनिकभित्रको आयले अनलाइन पत्रिकाकर्मीलाई खुशी बनाउन सकिएको थियो । तरपनि केहीका अनुहार मलिन र उदाश थियो । कार्यालयबाट बिना जानकारी बिदा बस्ने र कामलाई प्रभाव पारेकोले हाजिरी हेरेर पारिश्रमिक थपघट गरिएको थियो ।

यस्तै यस्तैमा दशैं कट्यो । अहिले तिहार नजिकै छ । दशैंकै कुरा गर्दा केही साथीहरूले कार्यालयको अवस्था हेरेर मौनता मात्रै सम्हाले । हामीले प्रयत्नमात्रै होइन, पूरै प्रयास गरेका थियौं । तरपनि सकेजति प्रयास खेर गयो । आफ्नै पर्नेलाई समेत गुहारे । तर हुन्छ भनेर झुक्याए । साथीहरूलाई सम्झाउन सके । तिहार राम्रो बनाउने भनेर सहमति गरियो । Read the rest of this post »

निर्वाचन अपडेटमा अनलाइन पत्रिका पहिलो नम्बर

Posted नोभेम्बर 22, 2013 by Subin Shrestha
Categories: दैनिकी

मंसिर ७, शुक्रबार, २०७०

साँझतिर सुत्नु अघि विद्युतीय दैनिकी लेख्छु भनेर वाचा गरिरहँदा पनि भुसुक्कै बिर्सिने बानी परेको छ । हेर्नुस् न, तीन दिनको दैनिक छुटेछ । मंसिर ४ गते निर्वाचनमा सहभागी हुन पुग्दाको दैनिकीसमेत लेख्न सकिन । आज चुनावको चटारोलाई केही थमौती राख्दै लेख्न बसेको छु । चुनाव सकिएको आज तेश्रो दिन हो ।

ललितपुरको चुनावको ताजा विवरण दिनको लागि आज साँझसम्म पनि निरन्तर खटिरहेकै थिए । मत गणनास्थलमा अनलाईन पत्रिकाका सहकर्मीहरू (जीबी लामा, विनोद रंजित र सुमन श्रेष्ठ) ले निरन्तर अपडेटमा तैनाथ रहे । हामीले दावी गर्नैपर्छ, अपडेट दिने अनलाइन पत्रिका नै पहिलो हो । ललितपुर निर्वाचन अपडेटमा हाम्रो अपडेट यहाँ हेर्न सकिन्छ । निर्वाचन सकिएको दिन देखि ललितपुरको ताजा नतिजा विवरण हामीले ब्रेक गरिरह्यौं । जीतको नतिजा र विजयीहरूको समाचारपनि पहिला राख्ने काम अनलाइन पत्रिकाले नै गरेको हो ।

आज बल्ल केही हल्का भएको छ । चुनावकै कुरा गर्नुपर्दा ललितपुरको तीनवटै क्षेत्रमा नेपाली कांग्रेसले विजय हासिल गरेको छ । अरू खासै विशेष कुरा लेख्नु छैन । तर, लेख्नै पर्ने कुरा के हो भने पत्रकारितामा लागेको एक दशक वितिसक्दा मैले कमाएको सम्पति भनेकै साथीभाई हो । ललितपुरबाट समाचार अपडेटका लागि धेरै मिडियाका साथीहरूले सम्झिए । सक्ने र जाने जतिको सहयोग गरेँ पनि । भोली फेरि नियमित छलफलमा सहभागी हुनुछ । यसपालिको अनलाइन पत्रिका प्रकाशित गर्न सकिएन । अस्तु ।

खोकना घटनाको खास कुरा !

Posted नोभेम्बर 17, 2013 by Subin Shrestha
Categories: दैनिकी

मंसिर २, आईतबार, २०७०

आज बिहान ढिला उठियो । हिजो निद्रादेवीको काखमा पुग्दा करिब २ बजिसकेको थियो । आज उठ्ने बित्तिकै पुल्चोकस्थित साझा प्रकाशन कार्यालयमा बम राखिएको खबर आयो । उतैतिर पुगियो । नियमित झैं फेसबुक, अनलाइन पत्रिकामा समाचार अपडेट गरियो ।

आज अड्डामा पनि चाँडै पुगेँ । आज कार्यालयमा वितरण शाखाका लागि दुईजनालाई नियुक्ति दिइयो । पत्रिकाको कार्यालयको लागि वेव अपलोड र पेजमेकर चलाउन सक्ने महिला कर्मचारीको खोजी गरियो । करिब एकदर्जन पुराना मित्रहरूलाई गुहारे, उनीहरू संचारमाध्यममा कार्यरत छन् । तर, कर्मचारीबारे जानकारी दिइयो, साथीहरू बुझेर खबर दिन्छु भनेर जानकारी गराए । त्यस्तै यही सिलसिलामा पुराना साथीहरूसँग सम्वादको मौका जुर्यो । करिब १० वर्षअघिका साथीहरू । जो अहिले राम्रो काममा आवद्ध छिन्, त्यस्तै कोहीभने वैवाहिक जीवनमा बाँधिसकेकी छिन् ।

यस्तै कार्यालयमा दिनभर रहँदा चुनावी चर्चा सम्बन्धमा विभिन्न व्यक्तिहरूसँग गफ भयो । साँझतिर खोकनामा भएको झडपको समाचार प्राप्त भयो । समाचारको फ्लोअप गरिरहँदा मतदाता परिचय वितरणमा झडप भएको समाचार फैलिसकेको थियो । केही संचारमाध्यमले मलाई यसबारे सोधे । ती संचारमाध्यमले प्रसारण र प्रकाशित पनि गरे । प्रकाशित समाचार

बेलुकातिर अल्का अस्पतालमा ल्याइएका घाइते प्रहरीको स्वास्थ्य अवस्था बुझ्न सिडिओ आइपुगे । भेट भयो । चुनावी दौडमा व्यस्त रहेको जानकारी दिए । त्यसपछि समाचारमा पूर्णता भएको महसुसपछि नेपाल समाचारपत्रमा समाचार पठाएँ । बेलुकातिर एक प्रख्यात राजनीतिक व्यक्तित्वले फोन गरेर संचारमाध्यममा आएका समाचारको सत्यता बुझ्दै सक्दो यसबारे सत्य समाचार दिन आग्रह गरे । आज चाँडै सुत्ने तरखरसँगै यी शब्दहरू अपलोड गरेर बिदा हुन्छु । अस्तु

आजबाट फेरि लेख्छु भन्ने अठोट

Posted नोभेम्बर 16, 2013 by Subin Shrestha
Categories: दैनिकी

मंसिर १, शनिबार, २०७०

शब्दहरू टाइप गरिरहँदा मध्यरातको दैलो टेक्न करिब ९ मिनेट बाँकी छ । आज अफिसियल मिटिङ भयो बिहान । मेरो नेतृत्वको समूहमा अहिले करिब १५ जना साथीहरू जोडिएका छन् । आजबाट केहीलाई नयाँ जिम्मेवारी थपिदिएँ ।
आज दिनभर घरमै व्यस्त भएँ । शनिबारपनि थियो । एकछिन सुत्ने विचार राख्दा राख्दै पनि कलेजका प्रमुखसँग निर्वाचनको विषयमा लामो संवाद भयो ।
ललितपुरमा कसकसले जित्छ भन्ने विषयमा भएको कुराकानीमा निर्वाचन आयोगको लापरवाहीको विषयमा समेत कुरा उठ्यो । धेरैपछि मित्र मोहन घरमा आए, नयाँ योजनाका बारेमा सोधे र आफ्नै कुराहरू पनि राखे । साँझपख पुराना तस्वीर र लेखहरू एकपटक खोजेर व्यवस्थित पार्ने प्रयास गरेँ । जे होस्, आजबाट प्रत्येक दिनलाई केही शब्दहरू कोरेर आफूलाई अपडेट गराउने वाचा गरेको छु । अस्तु ।

भगवान जवाफ देऊ !

Posted अक्टोबर 11, 2013 by Subin Shrestha
Categories: म र मेरो कुरा

आश्विन २५, शुक्रबार

समय निश्चय नै स्वार्थी छ । समयको तेज बहावका कारण धेरै सपनाहरू पूरा हुन पाएनन् । त्यही समयकै कारण नसोचिएका कुराहरू भइदिए । समय त्यही जसले सोचेका कुराहरू कहिल्यै पूरा हुन सकेनन् । म सोध्दैछु, किन ? भनिन्छ, सुखमा सय साथी, दुःखमा कोही न कोही ।

दुःखमा पर्दा किन मलाई भनेर भगवानलाई दोषी ठान्नेहरू सुख बटुल्दा भने त्यही भगवानलाई सम्झिएका हुनन् । आज त्यही भगवानसँग मेरो प्रश्न छ, चुपचाप तिम्रो याद र भक्तिमा रमाएकालाई सम्झिनु पर्र्छ की पर्देन् ?

सन्दर्भ, दशैंको पनि छ । राजधानी क्रमश शून्य हुँदैछन् । आजबाट बिदा पाएका साथीहरू घरपरिवारसँग सुख साट्न आ–आफ्ना घर पुगिसकेछन् । पुग्ने क्रममा छन् । केही कोर्न मनलागेरमा मात्रै हो केही शब्द बुनेको । पछि यहाँ अन्य कुराहरू थप्दै जानेछु । सबैको दशैं शुभ बितोस् र राम्रो बितोस् । कामना । उही सुविन

स्वागतम् सामसुङ !

Posted मार्च 12, 2013 by Subin Shrestha
Categories: दैनिकी

फागुन २८, सोमबार,

२०६९ ११ मार्च, २०१३

केही सातादेखि बिहानै निस्किने बानी परेको छ । थोरै भएपनि वरिपरि क्षेत्रसम्म पुगेर आउँछौं हामी दुई (म र सुनिता) । उनीलाई पनि योगाको चासो बढेकोले गर्दा केन्द्र खोज्ने चलिरहेकै छ । आजपनि समाचारपत्रमा सुनिलकै पालो परेको दिपक सरलाई जानकारी गराएँ । उनले बनाएको नियम अनुसार दुई÷दुई बिराएर लेख्ने नियम थियो । आजबाट सूचना विभागमा चाइनीज भाषाको प्रशिक्षण शुरू भयो । तर यो अल्छिपनले जान सकिएन । Read the rest of this post »


Follow

Get every new post delivered to your Inbox.

Join 4,861 other followers