अमेरिकी शुभकामना, सम्मान र भेटघाट

१९ पुस, २०७१ तद्अनुसार ३ जनवरी, २०१५ (शनिबार) । हिजोको ढिलो सुतेँ । आज ढिला उठेँ । करिब ८ बजेतिर उठेपछि शनिबारको मौका पारेर गोरामरी खाने बानी छ मेरो । बिहानी बजारमा पैदल डुलेर खाजा ल्याएँँ । आज ललितपुरमा आयोजित एक कार्यक्रममा मलाई सम्मान गर्ने कार्यक्रम राखिएको थियो । बिहानैदेखि मन हर्षित नै थियो । त्यसमाथि अमेरिकाका ए हो र ? भन्ने ठेगोबाट जुरेको साइनोका मित्र विष्णुमान प्रधानको नयाँ वर्षको शुभकामना सन्देशले मनलाई थप खुशी बनायो । कार्यक्रममा पुगियो ।

धेरै पुराना परिचित मान्छेसँग साक्षात्कार भयो । साथै, आजै फुर्सद निकालेर सभासद उदय राणासँग केही मिनेट खासखुससमेत भयो । त्यस्तै, सुमेरू गु्रपमा अध्यक्ष भरत महर्जन, सीडीयो नेपालका प्रदिप सिंह, स्वास्थ्य प्रमुख केदारजी, हेमराज, विनोद, उत्तम, मिलन, शंकरआदि करिब एक दर्जनसँग धेरैपछि प्रत्यक्ष भेट भयो । फेरि फर्किने बेलामा भेटिएका सहकारी संघका अध्यक्ष माधव दुलालसँग धेरैपछि आत्मिय संवाद भयो ।

हुनपनि कार्यक्रम हुँदा म नबाहिरिएको करिब दुईमहिना बढी भइसकेको थियो । आजभने मन चंगा भयो । सम्मानित हुने मौका पाइयो । सम्मानपत्रमा लेखिएको थियो, ‘निरन्तर सहयोग गरेको वापतमा यो सम्मानपत्र प्रदान गरिएको हो ।’ सम्मानपत्र लिँदा अनलाइन पत्रिकाकी प्रबन्ध निर्देशक सुनिता बाटाजु र संवाददाता फातिमा बानु साक्षी थिइन् । खुशी लाग्यो । यो सम्मान मेरो र मलाई थिएन । यो सम्मान सम्पूर्ण अनलाइन पत्रिका समूहको थियो । कार्यालय भर्खर आएपछि सबै साथीलाई यसको खुशी साटियो ।

आज अनलाइन पत्रिकाकी वरिष्ठ संवाददाता मन्दिरा सापकोटा अस्ति हाम्रो समाचार बनेकी वृद्धा आमाको उद्धार भएपछिको अवस्था बुझ्न पुशपति पुगेर रिपोर्टिङ गरिन् । उनीपनि निकै खुशी मनले फर्किइन । आमालाई सफासुग्घर पारी राम्रौ साडीमा सजाएर राखेको बताइन् । ती आमाको बारेमा मसँग प्रत्यक्ष बुझिरहेका प्रविण न्यान्छौं र रोशनी दिदीलाई यही लिखित शब्दबाट धन्यवाद भन्न चाहन्छु । यहाँले सूचना दिएर हामीलाई सहयोग नगरेको भए, आज अनलाइन पत्रिकाले यसको श्रेय लिने नै थिएन । फेरि हाम्रो पेशागत धर्म पनि यही हो । यसलाई पालना गरेको मात्र हो ।

बेलुका केही समय अनलाइन पत्रिकाकर्मी मन्दिरा, फातिमा र भवानी दुलालसँग छलफल भयो । दिन सबैको राम्रै बितेको प्रतिक्रिया प्राप्त भयो । अनलाइन पत्रिका डटकमको कमाण्डर शिवजी भोली साप्ताहिक बिदा मनाउन आफ्नो जन्मस्थानतिर लागे । आज टेलिभिजनका केही नयाँ साथीहरूसँग कसिलो सम्बन्धको विकास भयो । यस्तै यस्तैमा आजको दिन समापन भयो ।

अस्तु

Explore posts in the same categories: दैनिकी

जवाफ लेख्नुहोस्

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )


%d bloggers like this: