कति छ मेरो तलब ?

आज २०७२ साल , असार १ गते मंगलबार| बिहानै पानीले धरतीलाई चुम्बनको वर्षा गरेको छ | यो चौतारीमा वा शहरबाट शब्दहरूमा धेरैपछि झुल्किएको छु |

सम्भवत मेरो व्यस्तता सबैमा जाहेर नै छ | onlinepatrika.com मा संस्थागत रूपमा अग्रसर छु | करिब ३ वर्ष अघि दर्ता गरिएपनि सक्रिय हुँदै र साथीहरूको उर्जा समेटेर उडान भरेको महिनादिन भयो | पहिला एउटा ईच्छा हुन्थ्यो की केही नयाँ गर्दा र नयाँ किन्दा यसो र उसो भनेर लेखिन्थ्यो तर अहिले शुन्य ! चीनको भ्रमण कथा छुट्यो | विशिष्ट भेटघाटको अनुभव स्मरणमा मात्रै कैद छ | बिस्तारै ती कुराहरू पोखिनेछन् भोली वा भोली नभए पर्सी !

एउटा रमाईलो विषय जोड्न मन लाग्यो | हिजो पत्रकार र सम्पादकका तलबबारे बहस चल्यो | हुन त म पनि सम्पादककै तह र पत्रकार नै परें | पत्रकारिता थालेको करिब १ दशक भयो | हिमालयन टाईम्स, नेपाल समाचार पत्र, स्पेशटाईम्स, गोरखापत्र, समय, हिमाल, कान्तिपूर र नागरिकलगायत करिब दुई दर्जन पत्रपत्रिकाहरू र रेडियो यात्रामा उल्लेखनीय छाप छोड्ने समाचार लेखिएपनि पर्दा पछाडि बस्नुको मजा बेग्लै | यही सूत्रमा पत्रकारिता यात्रा जारी छ | अहिले सम्पूर्ण तहबाट अनलाइन पत्रिकामा स्वामित्वको रथ हाँक्दै छु |

हिजो अचानक मेको तलब कति भनेर एक्लै बहस गरियो | जहाँबाट जोड घटाउ गरेपनि मासिक मेरो भागमा पर्ने भनेको चिया, चिया ल चिया मात्रै | धन्न करिब एक दर्जन साथीहरूलाई खुशीसाथ अघि लान सकिएको छ, यही हो की मेरो तलब ? साथीहरू उर्जाशिल छन र जोशिला छन्, उनीहरूको समन्वय र साथ नै मेरो तलब हो की ? हाम्रो लक्ष्य नजिक छ, यसमा सबैको सकारात्मक सोचको लगानी छ, यो पो हो की मेरे तलब ?

मलाई लाग्छ, मेरो मिहिनेत र परिश्रम नै मेरो तलब हो | मेरो इमान्दारिता मेरो पैसा | कसैलाई दुःख नदिएर बनाइएका साना र ठूला वर्ग भनिएका मित्र तथा दाईहरू नै सम्पत्ति हुन् | मर्दा र पर्दा उनीहरूले बलमा बल दिएर मलजल गरिरहेका छन् | यसकारण मेरो तलबको कुनै अंक र हिसाब छैन | जस्तो पाउँछु खुशीले सन्तुष्ट छु, र हामीहरू सबै खुशी छौं | साथीहरूकै जिम्मेवारी लिएर भन्दैछु |

onlinepatrika.com र अनलाइन पत्रिका साप्ताहिकमा कोही कसैको लगानी स्विकार गरिएको छैन | धेरै सहयोगी साथहरू पार्टनर बन्ने प्रस्ताव राख्दै लाखौंको लगानी गर्छु भने | र, शर्त थियो, पार्टी पत्रकारिता | हामीले दुःख नै किन नहोस्, यस्ता प्रस्तावप्रति विपक्षी भयौं | अहिलेसम्म केही सहयोगी हातहरूको नियमित सूचना सहयोग र पूरै आर्थिक पाटोको जिम्मेवारीमा प्रबन्ध निर्देशक सुनिता बाटाजुको सपोर्ट रहदैं आइरहेको छ | हामी खुशी छौं, अघि बढ्न दल होइन उर्जा चाहिन्छ | र, उर्जा छर्ने सहयात्री हुन् उनी अर्थात हाम्रो लगानीकर्ता !

क्रमश

 

 

Explore posts in the same categories: म र मेरो कुरा

जवाफ लेख्नुहोस्

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )


%d bloggers like this: